534. "Et super capite corona stellarum duodecim," significat sapientiam et intelligentiam ejus ex cognitionibus Divini et Divini Veri ex Verbo. - Per "coronam super capite" significatur sapientia et intelligentia (n. 189, 235, 252); per "stellas" significantur cognitiones Divini Boni et Divini Veri ex Verbo (n. 51, 420); et per "duodecim" significantur omnia Ecclesiae, quae se referunt ad bonum et verum ejus (n. 348): inde nunc per "Coronam stellarum duodecim super capite Mulieris" significatur sapientia ac intelligentia Novae Ecclesiae ex cognitionibus Divini Boni et Divini Veri ex Verbo.